artinresidenza LaVin
Davo 28 ons teater ed inscunters in La Vouta daja uossa a Lavin in Engiadina Bassa ün nouv proget – artinresidenza LaVin. Mera da nossas residenzas es da crear a Lavin evenimaints ed occurrenzas da cultura e da tillas e tils partir cun public ed abitant:as. Nus spordschain ad artist:as ün spazi per abitar e lavurar e temp per s’approfundir in ün proget d’art i’l dialog cun lö e cuntrada.
A las artistas ed artists dess gnir sport la pussibiltà da passantar trais eivnas dadour dals cuntuorns da lur minchadi per persieuer lur lavur e per as confruntar cun ideas nouvas. Punct da partenza per nossa lavur es il gust vi dal dialog, barat d’ideas ed intretschamaint social tras art, cultura e culinarica.
Per la paja preschainta l’artista/l’artist la lavur dvantada publicamaing in fuorma d’üna preschantaziun dal process actual (work in progress), d’ün workshop, d’ün di da las portas avertas, d’üna prelecziun, d’ün’exposiziun publica o che mâ adüna.
Nus spordschain seguaintas localitats e seguaint’infrastructura:
• üna stanza quadrata da 65 m2 e 3 meters otezza cun fuond chi nouda (per sot e movimaint) e cun quatter fnestras grondas per lavurar – LaStalla
• üna cabina da telefon abandunada e vöda sülla plazza gronda da cumün chi po e dess gnir integrada illa lavur dürant il sogiuorn
• spazi d’abitar cun chadafö, stanza da dormir, terrassas ed ün bogn cun duscha e tualetta
• la lavur da publicità (PR) per la preschantaziun
• la culinarica (per regla ün apéro riche) davo la rapreschantaziun
• ün clavazin electronic, beamer, indrizs d’amplificaziun per glüm e tun, plüs elemaints per ün palc à duos meters sün ün meter
Plan LaStalla/abitaziun, cabina da telefon
Premissas
Nus spettain da l’artist:a üna cuorta circumscripzun da la lavur actuala, ün concept per la lavur a Lavin ed ün pêr chavazzins co cha la/il resident:a s’imaginescha l’inscunter cul public. Il team decida davart la realisaziun d’üna residenza.
temp da residenza
Düraziun: 2 fin 3 eivnas o tenor cunvegna